Kai te whakahoutia tēnei pae tukutuku. Tirohia te pae tukutuku reo Pākehā kai reira ngā pārongo o te wā.

Kia mōhio, kia mārama

Kua tae kē mai te KOWHEORI-19 nā reira he mea nui ā tātou mahi tiaki whānau, tiaki hapori. Mā te whiwhi rongoā āraimate tēnā me tēnā o tātou e tiaki. Māna e tere hoki atu ai tātou ki te pai.

Video Link: https://www.karawhiua.nz/assets/Videos/02_online-1min_master.mp4.mp4

He pēhea te mahi a te rongoā āraimate?

He rite te mahi a tēnei ki ētahi atu rongoā āraimate. Ka ākona e ia te pūnaha awhikiri ki te tautohu me te whawhai i te huaketo.

E kore koe e māuiui i te rongoā āraimate KOWHEORI-19, nā te mea kāore he huaketo ora, he huaketo mate rānei ō roto ka pā kino ki te ira tangata.

Ka puta katoa te rongoā āraimate i tō tinana i roto i ngā rangi ruarua, ā, ka rite tō pūnaha awhikiri ki te whawhai i te KOWHEORI-19.

I pēhea te hanganga wawe o ngā rongoā āraimate KOWHEORI-19?

I whai wāhi te ao whānui ki te hanganga o te rongoā āraimate KOWHEORI-19. Heoi, kāore mātou i tīmata i te korekore noa iho. Kua tīmata kē te rangahau i tētahi atu huaketo (e kīia ana ko SARS).

I whai wāhi mai ētahi atu āhuatanga:

  • He nui te pūtea i whakangaohia ki te rangahau me te hanganga.
  • I puta mai ngā hangarau hou.
  • I mahi tahi ngā kairangahau, ngā kaipūtaiao me ngā kaiwhakangao.

Ko te hua, i tere puta ngā rongoā āraimate i muri mai i ngā tirotiro haumaru.

Manurewa Marae Vaccine Centre

Ka aha inā haere au ki te tiki i te rongoā āraimate?

  • Ka pātaihia koe kia tukua ngā kōrero mōu ake me tō whakaaetanga.
  • Mā te kaiwero kua whakangungua te rongoā āraimate e wero ki tōu kikopuku.
  • Me mātua noho koe mō te 15 meneti ā muri atu i te tukunga rongoā āraimate.
  • Ko te tikanga, ka puta ētahi pānga iti, ā, he tohu ēnei e ako haere ana tō tinana ki te whawhai i te huaketo. Haere ki Karawhiua.nz/NgāPātaiAuau
  • Ka hipa ana te toru wiki i tō werohanga tuatahi, tata atu rānei i tērā, me whiwhi koe i tō wero tuarua o te rongoā āraimate. Me tāpui he wā , he nui rānei ngā wāhi hei torotoro māu kia werohia anō me te kore tāpui. Kimihia he wāhi whiwhi rongoā āraimate e tata ana ki a koe ki konei
  • He UTUKORE ngā weronga katoa o te rongoā āraimate.
People getting vaccinated

He pēhea te kaha o te rongoā Pfizer?

E ai ki ngā whakamātautau a ngā mātanga i te rongoā āraimate Pfizer, kāore e tino māuiui ko te 95 ōrau o te hunga whiwhi i ngā werohanga rongoā āraimate e rua. E whitu ngā rā i muri i te werohanga tuarua ka noho awhikiri koe ki te KOWHEORI-19.

Kāore anō kia mōhiotia te roa o te wā e tiakina ana te tangata, e pēhea ana rānei tōna kaha ki te aukati i te rere o te mate. E ai ki ngā rangahau, ka tiakina koe mō te waru marama, neke atu rānei.

Āhea whiwhi ai au i te rongoā āraimate?

Mō te hunga 5 tau te pakeke neke atu rānei, ka āhei ki te whai rongoā āraimate ināianei. He KOREUTU ngā rongoā katoa. Me tāpui he wā, me hīkoi noa, me taraiwa noa rānei ki ngā wāhi he pērā te tuku rongoā āraimate. Kimihia he wāhi whiwhi rongoā āraimate e tata ana ki a koe.

Ka pēhea tā te pūnaha rama ārahi?

He mea whakarite te pūnaha rama ārahi kia haumaru tonu ō tātou hapori, hei pupuri hoki i te KOWHEORI-19. Ki te whiwhi tātou i te rongoā āraimate katoa ka wātea ake ai tātou i raro i tēnei pūnaha hou i ngā pae Whero, Karaka, Kākāriki hoki.  He mea nui kia mārama koe ki te pae rama ārahi i tō rohe, i ngā rohe katoa hoki e haere nā koe, ki ngā mahi hoki me mahi e koe e noho haumaru tonu ai koutou ko tō whānau.  Pāwhiria a konei kia kitea ai te pae rama ārahi i te rohe, ngā mahi hoki me mahi e koe i te pae o te Whero, o te Karaka me te Kākāriki. 

He maha kē ngā iwi kua whakarite i ā rātou mahere urupare mō KOWHEORI-19 mā ō rātou hapū me ō rātou marae. Ki konei kitea ai ngā aratohu, i whakaritea rā hei tautoko i ngā marae ki te whakatakoto whakatau e pā ana ki te haumaru me te oranga o ō rātou whānau, o ō rātou hapū me ō rātou iwi.  

Ka pēhea te pānga mai o mātou ko taku whānau i ngā tohu ārai mate?

Ko Taku Tohu Ārai Mate tētahi maunga kōrero e ōkawa ana mō tō āhua e pā ana ki te rongoā ārai i a KOWHEORI-19 hei whakamahinga māu ki Aotearoa. Ka noho ērā hei tohu here ā-ture i ētahi tūranga mahi. Me mātua whai tohu ārai mate hoki koe i te maha o ngā toa, o ngā whare whakapakari tinana, o ngā marae, o ngā hapori me ngā kaupapa. Ko te Tiwhikete Ārai Mate he taunakitanga mō tō āhua e pā ana ki te ārai i a KOWHEORI-19 ka haere ana te tangata ki tāwāhi. Whāia ētahi atu kōrero

 

He aha ngā mahi a ngā iwi me te Māori hei tiaki i ō rātou hapori?

Kimihia he kōrero mō ngā mahi a ngā iwi me ngā rōpū Māori i te motu hei ārai atu i te KOWHEORI-19, ā, me whai āwhina hoki koe i hea. Me hono ki te waharoa o TPK i.